Гродненские епархиальные ведомости 10 (322) 2019

Па благаславенню Высокапраасвяшчэннейшага Арцемія, архіепіскапа Гродзенскага і Ваўкавыскага, 7-8 верасня 2019 года, у межах мерапрыемстваў, прысвечаных памяці з'яўлення Божай Маці ў Аўгустоўскіх лясах, прайшоў другі моладзевы велапрабег Гроденскай епархіі. У суботу, 7 верасня, з нагоды 105-годдзя з'яўлення Прасвятой Багародзіцы ў Аўгустоўскіх лясах адбыўся велапрабег Гродна-Сапоцкін, у якім прынялі ўдзел маладыя прыхаджане розных храмаў горада. Стартаваў сонечны велапрабег ад храма Велікамучаніка Панцеляімана. Па дарозе велапаломнікі наведалі храм Аўгустоўскай іконы Божай Маці ў Баранавічах, дзе змаглі падсілкавацца і адпачыць, пасля чаго накіраваліся далей. Таксама прыпынкі былі ўчынены пад Фартом №2 Гродзенскай крэпасці і ля памятнага крыжа над брацкай магілай, што пад полем недалёка ад Фарта №1, падчас якіх былі ўзнесены малітвы за ўсіх тых, чыё зямное жыццё скончылася ў баях на тым полі і па ўсім свеце. Скончыўся велапрабег у храме Праабражэння Гасподняга ў Сапоцкіне, дзе быў адслужаны малебен з акафістам Прасвятой Багародзіце і Вечнадзеве Марыі, у гонар якой у гэты дзень і здзейснілася ўсё. Пасля велапрабегу моладзь цёпла прынялі на сядзібе "Тартак" недалёка ад Аўгустоўскага канала, правялі экскурсію, дзе распавялі пра знакавыя рэчы і падзеі ў нашых багатых на гісторыю мясцінах.

• Месца выхаду: Гродна
• Дата выхаду: 2019-10
• Рэдактар: Павлюкевич Дмитрий
• Выдавец: Гродненская епархия
• Copyright: © 2019 by Гродненская епархия
• Кнігазбор: Kamunikat.org