«Гульні Цырцэі»: пра забойства, бардэлі, чэкістаў і чалавечае свінства. Зміцер Дзядзенка на Еўрарадыё

2025-10-13 20:05

"Еўрарадыё" працягвае знаёміць з пісьменнікамі і іх творамі, што ўвайшлі ў «кароткі спіс» літаратурнай прэміі імя Ежы Гедройця за 2024 год, якую ладзіць Беларускі ПЭН і Міжнародны саюз беларускіх пісьменнікаў.

У папярэдніх выпусках сумесных стрымаў Еўрарадыё і Беларускага ПЭНа была магчымасцт пазнаёміцца з кнігай Сяргея Дубаўца «Занзібар. Сталенне маладой душы», з пісьменніцай Югасяй Калядой ды яе творам «Перамена месцаў», публіцыстам, былым галоўным рэдактарам беларускай службы «Радыё Свабода» Аляксандрам Лукашуком і яго кнігай «Там, дзе няма цемнаты: Радыё Свабода». Цяпер — сустрэча са Змітром Дзядзенкам і яго раманам «Гульні Цырцэі», які быў выдадзены Фондам Kamunikat.org.

Што з сябе ўяўляе раман «Гульні Цырцэі» і чаго ў ім больш: гістарычнага крыміналу ці беларускага нуару? Ці лёгка было прытрымлівацца гістарычнай «нейтральнасці» і як атрымалася не перайсці межы ў апісанні эратычных сцэн? Чаму раман немагчыма было выдаць у Беларусі і якая літаратура больш важная сёння? На гэтыя ды іншыя пытанні адказвае пісьменнік, бард, краязнаўца Зміцер Дзядзенка.

Цырымонія ўручэння прэміі імя Ежы Гедройця 2025 года адбудзецца 15 лістапада 2025 года ў Еўрапейскім цэнтры салідарнасці (Гданьск).

Крыніца: Еўрарадыё

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк