Ігар Палынскі зрабіў унікальны даведнік

2025-12-12 10:33

:/:

Беларускі музыка і журналіст Ігар Палынскі разам са сваім партнёрам зрабілі ўнікальны даведнік. Гэта анлайн-даведнік па напісанні і вымаўленні назваў беларускіх населеных пунктаў.

Пра даведнік распавядае Ігар Палынскі:

— Менавіта аформленых як анлайн-база — не было. Гэта першая такая праца. І насамрэч я даволі здзіўлены, што дагэтуль ніхто гэтым не займаўся, бо, як высветлілася за першыя пару дзён працы, гэта вельмі запатрабаваная гісторыя.

Па словах Ігара, у даведніку не толькі напісанне населеных пунктаў, але і іх мясцовыя назвы.

— Мне стала цікава ўвогуле паспрабаваць зразумець, як гэта ўсё працуе, адкуль гэтыя ўсе бяруцца звесткі, хто ў нас займаецца зацвярджэннем гэтых назваў і г. д. Аказалася, што гэта даволі «сырая» гісторыя, бо і заканадаўства беларускае дастаткова хісткае, і акадэмічны слоўнік з назвамі населеных пунктаў не існуе.

Ігар упэўнены, што да працы над даведнікам далучацца таксама беларускія вядомыя філолагі і мовазнаўцы.

Цалкам матэрыял — у далучаным гукавым файле!

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк