Івонка Сурвіла віншуе беларусаў з Калядамі

2024-12-24 22:00

Старшыня Рады Беларускай Народнай Рэспублікі Івонка Сурвіла павіншавала беларусаў з Калядамі. «Не пакідайце веры ў будучыню! Толькі вера, што кашмар не вечны, што прыйдзе час, калі і яму прыйдзе канец, дазволіць нам дачакацца нашай вольнай дзяржавы, у якой і нам будзе дадзена людзьмі звацца!», — адзначаецца ў віншаванні Івонкі Сурвілы.

Старшыня Рады БНР заклікала тых, хто быў вымушаны пакінуць Бацькаўшчыну, памятаць пра сваё паходжанне. Паводле яе, цяпер Беларусі пагражае вялікая небяспека, і яе трэба «абараніць ад бандытаў, якія толькі і чакаюць на магчымасць яе прысвоіць».

Івонка Сурвіла заклікала ўсіх разам памаліцца ў Калядны вечар за Бацькаўшчыну. «Памолімся з верай, што «Уладар вялікіх сонцаў і сэрц малых» нас пачуе! Жадаю вам утульных Калядаў! Жыве Беларусь», — сказала Івонка Сурвіла.

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк