Ход канём

Зялёная «Пабеда» звярнула з шашы i накiравалася ў лагчынку. Там яна прыкметна збавiла хуткасць, разы два вiхлянулася ў глыбокiх слiзкiх каляiнах i перад самым мастком стала. Шафёр — малады белабрысы хлапчына ў ватоўцы — высунуўся з дзверцаў i, пазiраючы на заднiя колы, даў газ. Але i назад ужо машына не хацела iсцi. Шафёр вылез, нiбы журавель, выцягваючы з гразi ногi, абышоў машыну, зазiрнуў пад нiз i заклапочана ссунуў на бок салдацкую шапку. — Каб табе трасца! — вымавiў ён са стрыманай злосцю. Тады расчынiлiся другiя дзверцы, i на абочыну нязграбна выбраўся сядок, шафёраў начальнiк — прысадзiсты, надзьмуты чалавек. Ён адразу нагледзеў больш-менш сухое месца ля канавы, сяк-так дабраўся туды i стаў, засунуўшы рукi ў кiшэнi палiто.

• Месца выхаду: Мінск
• Дата выхаду: 1960
• Выдавец: Звязда
• Выдавецтва/ друкарня: Звязда
• Памеры: 47 с., іл., 16 см
• Катэгорыя: Мастацкая літаратура
• Copyright: © 1960 by Быкаў Васіль
• Кнігазбор: Kamunikat.org