«Хто жыве ў гаражы?» Выйшла дзіцячая кніга Андрэя Скурко

2023-09-12 12:52

Вялікая кардонная кніжка «Хто жыве ў гаражы?» выдавецтва Gutenberg Publisher з вершамі Андрэя Скурко і малюнкамі Волі Кузьміч ужо надрукаваная і хутка трапіць да чытачоў. У кнізе 16 вершаў-гісторый пра розны транспарт: джып, палівальную машыну, трактар ды нават смеццевоз.

«Усё будзе буксаваць і разлівацца, раскручвацца і адвальвацца – ведаем, што любяць малыя!»,– адзначаюць у выдавецтве.

Андрэй Скурко – дзіцячы аўтар, таксама вядомы творам «Пра сланоў і барсучкоў для дзяўчат і хлапчукоў». Як напісана ў анатацыі, гэта вясёлыя вершы для добрых дзетак, напісаныя далёка, якія ляцелі высока. Аўдыяверсію гэтай кнігі можна паслухаць у прыкладанні «Кніжны Воз».

Як набыць новую кнігу

Купіць «Хто жыве ў гаражы?» можна на gutenbergpublisher.eu. Дастаўка ажыццяўляецца практычна па ўсім свеце.

Крыніца: Будзьма беларусамі!

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк