Колькасць уцекачоў з Украіны ў Польшчы – больш за мільён. Польскія беларусы дапамагаюць

У акцыю дапамогі маштабна ўключаюцца польскія беларусы.

У сувязі з вайной Расіі супраць Украіны, колькасць уцекачоў з Украіны ў Польшчы – гэта ўжо больш чым мільён чалавек. Ім патрэбная дапамога і падтрымка. У акцыю дапамогі як самой Украіне, так і ўкраінскім уцекачам уключаюцца дзяржава, установы ды людзі добрай волі. Шмат дзе ў польскіх школах праводзіцца збор сродкаў і рэчаў для бежанцаў. У гэта ўключаюцца таксама і беларускія ліцэі ў Бельску Падляскім і Гайнаўцы.

Цяжка не думаць аб тым, што адбываецца ва Украіне і цяжка ўявіць трагедыю ўкраінскага народу – гаворыць дырэктар Другога агульнаадукацыйнага ліцэю з беларускай мовай навучання імя Браніслава Тарашкевіча ў Бельску Падляскім. «Таму менавіта вырашылі мы збіраць у нашай школе рэчы, якія пазней будуць перададзеныя патрабуючым», – дадае Андрэй Сцепанюк.

слухайце аўдыё

Яраслаў Іванюк