Конкурс рукапісаў працягвае дэдлайн — падаць заяўку

2024-02-20 21:05

Фестываль інтэлектуальнай кнігі PRADMOVA працягвае прыём заявак на конкурс рукапісаў “Шуфлядка”.

Патрабаванні да рукапісаў:

- мусяць быць на беларускай мове (дапускаецца аўтапераклад);

- не выдаваліся раней ні на якой мове;

- патрапляюць у адну з трох намінацый: дзіцячая і падлеткавая кніга; нон-фікш і дакументальная проза; масавыя жанры (фантастыка, фэнтэзі, прыгоды, дэтэктыў).

Абмежаванняў паводле ўзросту, месца пражывання аўтараў і інш. няма. Падрабязней пра ўмовы ўдзелу і этапы конкурсу – у рэгламенце па спасылцы.

Калі ўжо даслалі, але хацелі б нешта змяніць у тэксце ці дапісаць — таксама дасылайце абноўленыя варыянты на пошту: shuflyadych@gmail.com. Канчатковы дэдлайн — 8 сакавіка 2024 года.

Таксама нагадаем, што ідзе прыем заявак на конкурс да 100-годдзя Васіля Быкава, арганізавыны Міжнародным саюзам беларускіх пісьменнікаў. Да ўдзелу запрашаюцца маладыя аўтары і аўтаркі да 35 гадоў, што працуюць у жанрах прозы, эсэістыкі і публіцыстыкі. Мова твораў — беларуская, тэматыка твораў не абмежаваная.

Як паўдзельнічаць? Дашліце рукапіс сваёй кнігі ў фармаце .docx(.doc) на адрас: bellit.info@gmail.com з пазнакай “Конкурс”, а таксама далучыце анатацыю, сваё фота і кароткую аўтабіяграфію. Аб’ём рукапісу не абмяжоўваецца. ДЭДЛАЙН — 1 чэрвеня 2024 года.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк