Kultura białorusko-polsko-ukraińskiego pogranicza

Міфалагічная сістэма беларусаў, якая адлюстроўвае касмалагічныя веды разуменне структурна-сістэмных адносін будовы свету тыпу Сусвет-Прырода-Чалавек прыблізна выглядала так. Сімвалам Сусвету быў вярхоўны бог, які ўяўляўся ў вобразе Агнявога Змея (па матэрыялах чарадзейных казак - Змей Гарыныч, Цмок - драконападобная істота). Сусвет у сваіх непасрэдных праявах усведамляўся як спалучэнне чатырох асноўных стыхіяў: неба, зямлі, вады і агню. Гэтым стыхіям адпавядалі чатыры галоўныя багі: стыхію неба ўвасабляў Пярун, стіхію вады - Вадзянік, зямлю - Вялес, агонь - Сварог. Правобразам Агнявога Змея паслужылі каметы і палярнае ззянне, якое зрэдку дасягае Сярэдняй Еўропы. Аб тым, што Агнявы Змей быў Сімвалам Сусвету, сведчыць уласцівасць гэтай міфалагічнай істоты лятаць па небу, плаваць па вадзе і жыць у норах пад зямлей; агонь з'яўляецца адзінай зброяй Змея. У яго часцей за ўсё тры галавы, што сімвалізуе трыадзінства стыхіяў свету: неба, вады і зямлі, а агонь знаходзіцца ўнутры Змея. Пацвярджае гэта і сведчанне пра існаванне ў старажытным Ноўгарадзе свяцілішча галоўнага драконападобнага бога «какадрыла» - скажонае ад «кракадыл». На Беларусі існуе народная гульня «Яшчур» (Яшчар). У гэтым лексічным радзе значнае слова «прашчур» - прабацька, пачынальнік роду.

• Месца выхаду: Białystok - Brześć
• Дата выхаду: 1998
• Рэдактар: Jackiewicz Sierhej, Nosowicz Jan Franciszek
• Выдавец: Międzynarodowa Akademia Badań nad mniejszościami narodowymi. Instytut Filologii Wschodniosłowiańskiej Uniwersytetu w Białymstoku
• Памеры: 76s., 30 cm
• ISBN: 83-905750-1-8
• Катэгорыя: Этнаграфія, Гісторыя, Культура, Рэлігія, Грамадзтва
• Кнігазбор:
  • BTH — бібліятэка Беларускага Гістарычнага Таварыства, ul. Proletariacka 11, Białystok (папяровы асобнік)
• Інвэнтарныя нумары: BTH — 1193