Купалінка 03 (16) 2011

26 сакавіка ў Таронта адбылося святкаванне Дня Волі, арганізаванае Згуртаваннем беларусаў Канады. Калі чалавек з’ехаў за мяжу, гэта зусім не значыць, што ён здраднік, што забыўся ён на сваю Радзіму, што не баліць у яго нічога за тое, што адбываецца дзесьці там далёка, можа, за акіянам. Так склалася, што ён далёка. Вось так 26 сакавіка беларускія жыхары Таронта і навакольных гарадоў сабраліся на плошчы Нэйтан Філіпс каля будынка Гарадской управы (City Hall), каб адзначыць угодкі ўтварэння БНР і падтрымаць змагароў з дыктатурай на бацькаўшчыне. Арганізатары мітынгу падрыхтавалі вялікія стэнды з фотаздымкамі, якія адлюстроўваюць цяперашнюю сітуацыю ў Беларусі, з партрэтамі палітвязняў, што знаходзяцца пад арыштам пасьля падзей 19 снежня, а таксама лозунгі супраць злачынстваў дыктатарскага рэжыму. Мноства бел-чырвона-белых сцягоў надалі плошчы ўрачысты і святочны выгляд.

• Месца выхаду: Брест
• Дата выхаду: 2011-03
• Рэдактар: Тарноўскі Уладзімір
• Copyright: © 2011 by Купалінка
• Кнігазбор: Kamunikat.org