Літаратурная Беларусь 4 (200) 2023

Сябры! Мы радыя прапанаваць вам 200-ы выпуск «ЛІТАРАТУРНАЙ БЕЛАРУСІ»! За 16 гадоў (першы «новачасны» нумар «ЛБ» з’явіўся на Купалле 2007-га) былі тысячы публікацый апавяданняў, паэтычных нізак, урыўкаў з аповесцяў і раманаў, крытычных і літаратуразнаўчых артыкулаў, мастацкіх перакладаў, гумарэсак, эсэістычных і публіцыстычных тэкстаў сотняў аўтараў і аўтарак — класікаў і пачаткоўцаў… Паўторым яшчэ раз: «Літаратурная Беларусь» — гэта свабодная трыбуна паэтаў, празаікаў, драматургаў, крытыкаў і чытачоў Беларусі; гэта фармаванне незалежнай творчай думкі нацыянальнай эліты; гэта напамін аб тым, што Беларусь — і дзяржаўная, і літаратурная — стваралася найперш пісьменнікамі, і яна патрабуе іхняй новай працы і апантанасці. «Літаратурная Беларусь» — гэта новы час чытання. А таму заставайцеся з «Літаратурнай Беларуссю» — з яе бібліятэчнымі «падшыўкамі» ды інтэрнэтнымі PDF-версіямі, старонкамі яе Тэлеграмканала і Фэйсбука, — учарашнімі, сённяшнімі і будучымі!

• Месца выхаду: Мінск
• Дата выхаду: 2023-04
• Copyright: © 2023 by Літаратурная Беларусь
• Кнігазбор: Kamunikat.org