Людзі культуры салідарныя з украінцамі

Многія ўстановы вырашаюць аказаць фінансавую дапамогу.

Многія ўстановы вырашаюць аказаць фінансавую дапамогу, у тым ліку арганізатары 13-га Фестывалю імя Фрыдэрыка Шапэна. Сёлетняе мерапрыемства ў Варшаве праходзіць пад лозунгам «Фестываль Свабоды», кажа прэс-сакратарка фестывалю, піяністка Аляксандра Баброўская:

- Арганізатары «Фестывалю Свабоды» вырашылі прызначыць даход ад продажу квіткоў за апошнія два дні на дапамогу Украіне.

Таксама падчас фестывалю быў асаблівы дзень, прысвечаны Украіне і Беларусі. 24 лютага з канцэртам «Сіла голасу. Голас жанчыны» выступіла беларуская этнамузыколаг і спявачка Наста Някрасава, якая жыве ў Польшчы. У гэты дзень можна было пачуць і дуэт сясцёр з Украіны: спявачкі Вольгі Пасечнік і піяністкі Наталлі Пасечнік. Акрамя твораў Шапэна, артысты выканалі і ўкраінскія песні, а ўсе свае ганарары вырашылі накіраваць на ўкраінскае войска.

Дэкларацыі салідарнасці з Украінай з'явіліся і на сайтах многіх іншых устаноў культуры. Украінскія сцягі былі вывешаныя на многіх будынках, некаторыя з іх асвятляліся нацыянальнымі колерамі Украіны.

ав