Людзі стыхійна выйшлі ў розных гарадах Беларусі

2020-07-14 22:28

Каля тысячы чалавек удзельнічаюць у стыхійнай акцыі пратэсту ў цэнтры Менска.

Грамадзяне выйшлі на стыхійныя акцыі пратэсту на вуліцы Гародні, Берасця, Гомеля, Магілева, Маладэчна, акцыі адбываюцца таксама ў Полацку і Пружанах.

Вядома пра затрыманне карэспандэнтаў „Еўрарадыё” Міхаіла Ільіна і Арцёма Маёрава, якія вялі анлайн-рэпартаж, а таксама яшчэ як мінімум трох чалавек.

Таксама праваабаронцы паведамляюць пра затрыманні ў Менску, Гомелі, Пружанах, Берасці, Бабруйску і Салігорску. 14 ліпеня ЦВК праводзіла рэгістрацыю кандыдатаў у прэзідэнты Беларусі. Не зарэгістраваныя ключавыя ўдзельнікі кампаніі — Віктар Бабарыка і Валерый Цапкала.

Пасля таго як у некаторых тэлеграм-каналах з’явіўся анонс акцыі пратэсту, прэс-служба МУС распаўсюдзіла зварот да грамадзян з заклікам „не паддавацца на правакацыі”.

Фота Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк