«Марсіянін» па-беларуску ўжо даступны ў трох фарматах

2024-09-24 21:31

Бэстсэлер Эндзі Ўіра “Марсіянін” выйшаў адразу ў трох фарматах — папяровым, электронным і аўдыя. Пераклад і выданне кнігі сталіся магчымымі дзякуючы супрацы Асацыяцыі Беларусаў у Амерыцы, выдавецтва Gutenberg Publisher і аўдыявыдавецтва Audiobooks.by.

А таксама дзякуючы фінансавай падтрымцы беларусаў і беларусак ЗША — Мікіты, Юрыя, Марыянны, Каці і Сяргея.

“Хтосьці скажа, што «Марсіянін» — не самая неабходная сёння кніга па-беларуску і ёсць

процьма іншых праграмных і больш сур’ёзных твораў, якія спярша хацелася б мець у

перакладзе, але, на маю думку, якраз такой літаратуры — сучаснай, прыгодніцкай,

папулярнай, даступнай і цікавай шырокаму колу чытачоў — нам і бракуе. Не буду хаваць, як

перакладчык я атрымаў сапраўднае задавальненне, працуючы над гэтым тэкстам, і,

нягледзячы на пэўныя цяжкасці, мне самому да апошняй старонкі было цікава. Таму

спадзяюся, што і чытачы атрымаюць не меншае задавальненне ад гэтай неймавернай і

кранальнай гісторыі, якая дае нам надзею і прыклад веры ў чалавека і чалавецтва”, — падзяліўся ўражаннямі ад працы перакладчык, які пажадаў застацца ананімным.

Прадусар праекту, кіраўнік аўдыявыдавецтва Audiobooks.by Мікіта Белаглазаў у сваю чаргу віншуе ўсіх з выхадам яшчэ адной кнігі па-беларуску і спадзяецца што выданне “Марсіяніна” пакладзе пачатак серыі перакладаў розных амерыканскіх бэстсэлераў на беларускую мову — па кнізе на год—два, а таксама натхніць іншыя дыяспары ўзяцца за падобную справу.

Пачатак ў аўдыяфармаце можна паслухаць бясплатна.

Дзе знайсці кнігу:

Папяровая: на сайце выдавецтва Gutenberg

Для жыхароў ЗША тут

Электронная: Kobo.com

Аўдыя: Audiobooks.by

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк