Мастацкія інтэграцыі „Пэрэточэ 2020” у Белавежы

2020-08-03 14:19

:/:

У Белавежы прайшлі васямнаццатыя Белавежскія мастацкія інтэграцыі „Пэрэточэ 2020”.

Гэтае мерапрыемства традыцыйна прэзентуе культуру народаў, якія жывуць ці калісьці пражывалі ў ваколіцах Белавежскай пушчы. Сярод выступоўцаў было шмат беларускіх гуртоў, хаця гэтым разам з-за пандэміі не змаглі даехаць калектывы з Беларусі.

„Пэрэточэ” – гэта найстарэйшае мерапрыемства на Падляшшы, якое ілюструе шматкультурнасць гэтага рэгіёну, кажа арганізатар, Мікалай Бушка:

– Мы заўсёды падкрэсліваем, што цыганы, як габрэі, як палякі, як расейцы, як украінцы, як татары ці немцы, унеслі свой уклад і пакінулі нешта ў нашай культуры, у нашым фальклоры. Мы ўсё гэта прадстаўляем у рамках „Пэрэточэ”. Гэта адбываецца ў Белавежы, на культавай сцэне, вельмі сімпатычная публіка. Гэта адзіны выпадак, калі ў адзін вечар можна сустрэцца з тым, што так шмат гадоў называем шматкультурнасць народа.

Арганізатарам мерапрыемства выступае Фонд „Царкоўная музыка” у Гайнаўцы ў супрацы з Белавежскім асяродкам культуры ў Белавежы ды Белавежскім нацыянальным паркам.

Уля Шубзда, Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк