Менск: ланцугі салідарнасці і дэманстрацыі ў розных кропках горада

2020-08-12 20:06

:/:

Масавыя затрыманні і гвалт з боку міліцыі не спыняюць людзей і яны працягваюць дэманстрацыі пратэсту супраць фальсіфікацыі выбараў і ў падтрымку раней затрыманых.

Так, у Менску такія ланцугі і дэманстрацыі адбыліся ў розных кропках гораду. Адна з іх – на праспекце Незалежнасці, побач з гадзіннікавым заводам прайшла прыкладна каля 16 гадзінаў па мясцоваму часе.

Кажуць удзельнікі акцыі:

– Гэта мірная акцыя. Мы хочам паказаць, што мы не хочам крыві. Мы не хочам, каб стралялі і білі нашых хлопцаў. І адпусцілі ўсіх, хто там сядзіць зараз. У мяне чацвёра сяброў сядзяць з 9 жніўня. І толькі сёння стала вядома, дзе яны. На Акрэсціна.

– Я ўдзельнічаю ў гэтай акцыі, таму што я катэгарычна супраць палітыкі дзеючай улады, супраць міліцэйскага гвалту. Таксама я супраць хлусні, якую імкнуцца данесці да нас улады праз дзяржсмі.

Дэманстранты таксама патрабавалі сумленнага падліку галасоў на прэзідэнцкіх выбарах, таму што афіцыйныя вынік з’яўляюцца сфальшаванымі. Прыкладна праз 10-15 хвілінаў пасля пачатку дэманстрацыі пад’ехалі аўтобусы з міліцыяй, дэманстранты хутка разышліся, каб пасля ад’езўду міліцыі сабрацца зноў і працягнуць шэсце.

Беларускае Радыё Рацыя, Менск

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк