Міколу Саляніка пакаралі штрафам

2020-05-28 14:07

:/:

Грамадскаму актывісту Міколу Саляніку суд Ленінскага раёна Гародні прысудзіў 40 базавых адзінак адміністрацыйнага штрафу за ўдзел у сустрэчы з блогерам Ціханоўскім, якая прайшла 26 красавіка ў Гародні.

Паводле Міколы Саляніка, яго запрасілі 27-га траўня для ўдзелу ў дадатковым апытанні па яго адміністрацыйнай справе ў Ленінскі РАУС, а насамрэч – правялі адміністрацыйны суд. Такім чынам, суддзя Дзмітрый Бубенчык вызначыў яму высокі штраф паводле артыкула 23.34. Адміністрацыйнага кодэкса.

Кажа Мікола Салянік:

– Забяру рашэнне з суда і буду звязвацца з праваабаронцамі, бо трэба штосьці рабіць. Я прыйшоў, як заўсёды хаджу, з Адміністрацыйным кодэксам, з Канстытуцыяй. І сказаў, што лічу, што нічога не парушыў. Усё роўна, раз не могуць закрыць на суткі, то суддзя вырашыў прысудзіць мне 40 базавых – гэта 1080 рублёў штрафу.

Пакуль Мікола Салянік не каментуе, ці плануе аспрэчваць адміністрацыйны штраф.

Якуб Сушчынскі, Беларускае Радыё Рацыя, Гародня

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк