Народная Воля 103-104

Калі ў Беларусі не адбудуцца дэмакратычныя рэформы, Злучаныя Штаты Амерыкі зоймуць цвёрдую пазіцыю. Каардынатар грамадзянскай кампаніі “Еўрапейская Беларусь" Андрэй Саннікаў і прэс-сакратар кампаніі Аляксандр Атрошчанкаў здзейснілі працоўную паездку ў Злучаныя Штаты Амерыкі. Падчас паездак прадстаўнікі “Еўрапейскай Беларусі” правялі “круглы стол” у Дзяржаўным дэпартаменце па сітуацыі ў Беларусі, сустрэліся з намеснікам памочніка Дзяржаўнага сакратара Дэнам Расэлам. Адбыліся таксама сустрэчы ў кангрэсе ЗША, з прадстаўнікамі міжнародных фондаў, праваабаронцамі і беларускай дыяспарай. "На сустрэчах мы расказвалі аб сітуацыі ў Беларусі і вакол яе, аб новай палітыцы Еўрапейскага Саюза ў адносінах нашай краіны і аб тым, якія памылкі былі дапушчаныя падчас яе рэалізацыі. Мы гаварылі, што, нягледзячы на крокі, якія Еўропа зрабіла насустрач рэжыму, не назіраецца ніякага прагрэсу ў галіне правоў чалавека, што ў Беларусі ёсць палітвязні, працягваецца прыгнечанне свабоды слова і свабоды сходаў Вельмі ўзрадавала тое, што цікавасць да Беларусі з боку Амерыкі застаецца на высокім узроўні, што развіццё сваіх адносін з Беларуссю ЗША ставяць у прамую залежнасць ад павагі правоў чалавека ў нашай краіне", - распавёў Аляксандр Атрошчанкаў.

• Месца выхаду: Мінск
• Дата выхаду: 2009-07-07
• Рэдактар: Сярэдзіч Іосіф
• Выдавец: УК Народная Воля
• Copyright: © 2009 by Народная Воля
• Кнігазбор: Kamunikat.org