Народная Воля 104-105

Чым патыхаюць войны? Адзіная мытная тэрыторыя Беларусі, Расіі і Казахстана утвараецца з сённяшняга дня. Пра гэта паведаміў учора першы намеснік старшыні ўрада Расіі Iгар ШУВАЛАЎ, які першым выйшаў да журналістаў пасля сустрэчы лідэраў краін-удзельніц Мытнага саюза ў Астане. "На адзінай мытнай тэрыторыі будзе прымяняцца адзіны Мытны кодэкс Мытнага саюза і з яго вынікаюць усе дакументы і міжнародныя дамовы", — сказаў Ігар Шувалаў. Такім чынам, Аляксандр Лукашэнка падпісаў Мытны кодэкс ужо ў Астане, і чуткі пра тое, што беларускі парламент тайна, яшчэ на мінулым тыдні, ратыфікаваў дакумент, пацвердзіліся. Цікава, што Беларусь далучылася да Мытнага саюза, не дабіўшыся выканання свайго галоўнага патрабавання — адмены экспартных пошлін на расійскую нафту і нафтапрадукты. Больш за тое, Аляксандр Лукашэнка паставіў свой подпіс на фоне не толькі "газавай вайны", якая ўзнікла на пустым месцы і доўжылася некалькі дзён, але і сцярпеўшы беспрэцэдэнтную інфармацыйную атаку з боку СМІ.

• Месца выхаду: Мінск
• Дата выхаду: 2010-07-05
• Рэдактар: Сярэдзіч Іосіф
• Выдавец: УК Народная Воля
• Copyright: © 2010 by Народная Воля
• Кнігазбор: Kamunikat.org