Народная Воля 151-152/2008

Дзмітрый Паўлічэнка адхілены ад пасады Распараджэннем міністра ўнутраных спраў Беларусі Уладзіміра Навумава скандальна вядомы палкоўнік Дзмітрый Паўлічэнка адхілены ад пасады камандзіра 3-й брыгады спецыяльнага прызначэння ўнутраных войск МУС (в/ч 3214, Уручча, Мінск). Тым жа распараджэннем Паўлічэнка пераведзены ў распараджэнне камандуючага Унутранымі войскамі МУС. Гэтае кадравае перасоўванне афіцыйна пацвердзілі ў прэс-службе ўнутраных войск, але ад якіх-небудзь каментарыяў адмовіліся. Не сталі каменціраваць абставіны гэтага нечаканага рашэння і ў прэс-службе МУС. Затое дакладна вядома, што новым камандзірам брыгады спецназа стаў (і ўжо прадстаўлены асабістаму складу) палкоўнік Юрый Хаджымуратавіч Караеў. Гэта таксама нечаканае рашэнне, бо зусім нядаўна - у канцы ліпеня гэтага года - Караеў быў прызначаны камандаваць палком міліцыі спецыяльнага прызначэння (былы АМАП) ГУУС Мінгарвыканкама. I яшчэ адзін цікавы момант: раней Юрый Караеў служыў у спецназе ўнутраных войск якраз пад камандаваннем Дзмітрыя Паўлічэнкі.

• Месца выхаду: Менск
• Дата выхаду: 2008-10-09
• Рэдактар: Сярэдзіч Іосіф
• Выдавец: УК "Народная Воля"
• Copyright: © 2008 by Народная Воля
• Кнігазбор: Kamunikat.org
• Дадатковая даведка: Выдаецца з ліпеня 1995 на беларускай і рускай мовах; Адрас рэдакцыі: 220030 Мінск, вул. Энгельса 34а; прыёмная: тэл./факс (017) 3286871; тэл./факс рэкламнага аддзела: 3286904, 3286906; e-mail: nv@promedia.by; http://www.nv-online.info Выданьне публікуецца тут за ласкавай згодай Рэдакцыі