Народная Воля 184-185

Ехалі да Лукашэнкі, а трапілі да беспрацоўнай. Днямі некалькі дзясяткаў чалавек наведалі грамадскую прыёмную кандыдата на пасаду прэзідэнта Аляксандра Лукашэнкі, якая адкрылася ў Мінску. Яны спадзяваліся сустрэцца з дзеючым прэзідэнтам. Спадзяваліся, што іх выслухаюць і дадуць нейкі ход справам, якія людзі спрабуюць вырашыць гадамі. Аляксандра Лукашэнкі ў прыёмнай не было. Ён не прыйшоў ні праз гадзіну, ні праз некалькі гадзін. У прыёмную літаральна на некалькі хвілін завітала давераная асоба кандыдата — Аляксандр Радзькоў. Такім чынам, візіт быў марным. Хаця шмат хто прыехаў дзеля гэтай сустрэчы ў Мінск здалёк. Людзі пачалі разам выказваць сваё абурэнне "Народнай Волі". Марыя Станіславаўна Капліна расказала: "Радзькоў адразу сказаў: "Чаго вы прыйшлі сюды?! Па якіх пытаннях?! Вы сытыя і апранутыя. Навошта прыйшлі?" А я яму адказваю: "Маю дачку забіў служачы, які адкупіўся за 50.000 долараў. Наркабарон… А дачка мая стала сведкай наркатрафіку, вось яе і забілі як сведку. Дык да каго мне ісці?" Я нічога ад іх не прашу, я толькі тры з паловай гады прашу расследаваць справу. Больш нічога!"

• Месца выхаду: Мінск
• Дата выхаду: 2010-11-23
• Рэдактар: Сярэдзіч Іосіф
• Выдавец: УК Народная Воля
• Copyright: © 2010 by Народная Воля
• Кнігазбор: Kamunikat.org