Народныя строі Падляшскага ваяводства трапілі ў новы альбом

2024-09-20 13:42

:/:

У Камяніцы Тызенгаўза ў Сакольцы прайшла прамоцыя двух тамоў кніжкі „Традыцыйныя строі Падляшскага ваяводства“.

Багаты ілюстрацыйны матэрыял складаюць як архіўныя, так і сучасныя фотаздымкі людзей, апранутых у народныя строі, фатаграфіі і малюнкі саміх строяў, дэталяў дэкаратыўнага ўзору і ўзораў. Хаця альбом гаворыць аб падляшскіх строях, то, як падкрэслівае адна з аўтарка кніжкі, Эльжбета Піскорж-Бранэкава, з яго можна вылучыць тры часткі.

— Мы пісалі пра строі Падляшша, то бок тыя, якія насіліся ў паўднёвай частцы Падляшскага ваяводства, пра строі Сувальшчыны і пра строі Сакольшчыны, якая не з’яўляецца ні Падляшшам, ні Сувальшчынай, а да таго ж гістарычна належала да Гарадзенскай губерні. Іншыя плыні, іншыя тэндэнцыі, і я вельмі хацела б унікнуць размовы пра строі Падляшша, бо Падляшша — гэта і частка Любліншчыны, і частка Мазавецкага ваяводства, дзе былі свае строі. Мы пісалі пра строі Сувальшчыны, Сакольшчыны і паўднёвай часткі Падляшскага ваяводства.

Аўтарамі кніжкі з’яўляюцца этнографы Эльжбета Піскорж-Бранэкава і Александра Плюта. Альбомы можна купіць у Камяніцы Тызенгаўза ды Сакольскім асяродку культуры.

Цалкам слухайце ў далучаным гукавым файле.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк