Наш Быкаў

Год як няма з намі Васіля Быкава. Яшчэ выходзяць часопісы з падрыхтаванымі ім да друку творамі. Яшчэ ўсё шлюць яму з далёкіх краёў лісты расчуленыя чытачы. Яшчэ ў пісьменніцкіх даведніках не паспелі пасля ягонага прозвішча закрыць чорную дужку з датаю смерці. Але ўжо не ўсміхнуцца пры сустрэчы яго добрыя, мудрыя вочы, не ўскіне ён прывычна на развітанне правую руку, а ў тэлефоннай трубцы не прагучыць ягоны стомлены глухаваты голас: "Ну і добранька... Ну і памагай Божа..." Паэт сказаў некалі, што вялікае бачыцца з адлегласці. Напэўна, гэта сапраўды так. Але ці заўсёды варта доўгімі гадамі чакаць празорлівай дыстанцыі, калі ўжо сёння відавочна, якой волатаўскай постаццю ўзвышаецца ў гісторыі наш любімы і непахісны Васіль Уладзіміравіч, як трагічна не хапае яго ў нашы трывожныя, акаянныя дні? (Ад укладальніка, фрагмент)

• Месца выхаду: Мінск
• Дата выхаду: 2004
• Рэдактар: Бураўкін Генадзь, укладальнік
• Выдавец: ГА БТ "Кніга"
• Памеры: 496 с.
• ISBN: 985-6060-13-6
• Катэгорыя: Гісторыя, Культура, Грамадзтва, Мэмуары
• Copyright: © 2004 by Генадзь Бураўкін, ГА БТ "Кніга"
• Кнігазбор:
  • прыватны кнігазбор у Беластоку (папяровы асобнік)