Не стала беластоцкага журналіста Лукаша Сцепанюка

Быў старшынёй «Беларускага аб'яднання студэнтаў» і адным з арганізатараў Фестывалю музыкі маладой Беларусі «Басовішча». Лукаш Сцепанюк таксама быў сябрам праўлення фонду Kamunikat.org.

Ствараў музыку і супрацоўнічаў з некалькімі мясцовымі гуртамі... Быў… Хаця гэтае слова цяжка пісаць… Як гэта -  „быў”…? Лукаш Сцепанюк, „Step” перш за ўсё быў добрым, сьціплым чалавекам… Прафэсыяналам у гукарэжысуры і журналістыцы…

Заўсёды стараўся дамапагчы ў кожнай справе. Некалькі гадоў таму запісвалі аўдыёкнігу з успамінамі Ларысы Геніюш „Птушкі бяз гнёздаў”. Step дзеля гэтага аддаў сваю хатнюю студыю, а, як аказалася, што на аплату працы не хапае грошай, сказаў: „Якія грошы? Зробім. Зробім усё як трэба”. Такое можна было пачуць не адзін раз: „Дла беларускасьці зраблю шмат і без грошай”. Пры чым ніколі тым не хваліўся.

Апошнім часам займаўся гукаапрацоукай аўдыёкнігаў. Падрыхатваў „Сядзібу” Алеся Аркуша, працаваў над „Жэтонам на мэтро” Андрэя Федарэнкі і „Айчынай” Уладзімера Арлова, якую рыхтаваў у вэрсыі як аўдыя, так і відэа.