«Неверагодныя»: гісторыя студэнткі, адлічанай з 5 курса Акадэміі мастацтваў

Карына Калінка — адна са студэнтаў, якіх улады Беларусі пазбавілі права на адукацыю ў роднай краіне.

Дзяўчына вучылася на архітэктара, але аднойчы зразумела, што хоча быць мастачкай, і перапаступіла ў Акадэмію мастацтваў.

Беззаконне, гвалт, адсутнасць свабоды слова пасля прэзідэнцкіх выбараў вельмі раздражнялі Карыну. Як і іншыя студэнты, яна хадзіла на пратэсты, а яшчэ арганізавала некалькі злабадзённых інсталяцый. 27 кастрычніка рэктар БДАМ сустрэў дзяўчыну на вуліцы і паведаміў, што яна больш не студэнтка.

Як складваецца жыццё Карыны цяпер, абмяркоўваем у жывым эфіры.

“Неверагодныя” — новая праграма на Еўрарадыё, у якой мы размаўляем са шчырымі, яркiмі, адметнымі беларусамі, якія не баяцца рызыкаваць у імя светлай будучыні сваёй краіны. Нашыя героі — гэта людзі, упэўненыя, што барацьба за свабоду, правы чалавека, незалежнасць сёння залежыць ад кожнага з нас. Яны не саромяцца гаварыць на вострыя тэмы, адкрыта заяўляюць пра сваю грамадзянскую пазіцыю, робяць крокі ў бок перамен і натхняюць на іх усіх нас.