Ніва 2007/16 (2658)

Аўтобус пэкаэсу, што рана з Саколкі едзе ў Сідэрку, паступова губляе пасажыраў і з Паўловіч у Залессе прыязджаю ўжо сам; шчаслівенька на маё месца падбірае іншага, пусты не паедзе. Само Залессе вітае дзень спакоем, пункт прыёму малака ўжо закрыты, крама сідранскага гээсу толькі будзіцца. Абедзве ўстановы ў прыстойным месцы — насупраць касцёла. Касцёл у Залессі пастаўлены ў 1602 годзе, але гэты рупліва задбаны помнік выдатнай даўніны крочыць з духам часу, несучы на адной з вежаў спадарожнікавую „талерку”, якая, мабыць, прымае багаслоўскую страву проста з неба. Перад касцёлам каменная стэла Юзафу Пілсудскаму. Каля адгалінавання дарогі ў Беняшы стаіць двухпавярховая мураванка ранейшай школы. І хаця быццам два ці тры гады таму купіў гэты будынак нейкі беластачанін, лёс збудавання падобны да лёсу ўсіх пакінутых аб’ектаў: шмат шыб пабіта, некаторыя разам з рамамі. Недалёка ад школы парафіяльныя могілкі, дзе магілы трымаюцца шчыльна, занадта не распаўзаючыся. Месца для іх адведзена многа і, беручы пад увагу сённяшнія дэмаграфічныя тэндэнцыі, павінна яго хапіць да канца свету. Многа тут намагільных крыжоў не з бетону ці каменя, але з металічных труб.

• Месца выхаду: Беласток
• Дата выхаду: 2007-04-22
• Рэдактар: Вапа Яўген
• Выдавец: Праграмная рада тыднёвіка Ніва
• Выдавецтва/ друкарня: Orthdruk, Białystok
• Copyright: © 2007 by Праграмная рада тыднёвіка Ніва
• Кнігазбор: Kamunikat.org
• Дадатковая даведка: Zrealizowano przy udziale wsparcia finansowego Ministra Spraw Wewnętrznych i Administracji; Tekstów nie zamówionych redakcja nie zwraca. Zastrzega sobie również prawo skracania i opracowania redakcyjnego tekstów nie zamówionych. Za treść ogłoszeń redakcja nie ponosi odpowiedzialności. http://niva.iig.pl Выданьне публікуецца тут за ласкавай згодай Рэдакцыі й Праграмнай рады тыднёвіка Ніва