Ніва 2007/17 (2659)

Кожны з нас любіць палемізаваць. Але газетная дыскусія, на жаль, сёння не такі распаўсюджаны жанр. Таму я ўдзячны Васілю Сакоўскаму, які на мой артыкул „Дык хто хоча вайны?” („Ніва” н-р 11) адгукнуўся цэлым фельетонам „Святая наіўнасць” („Ніва” н-р 14). Можна было б і не працягваць тэму, бо ў матэрыяле шаноўнага апанента амаль няма аніякіх аргументаў ды фактаў, а ёсць толькі стэрэатыпнасць мыслення, дзіўная іронія „дзядзькі з боку”, а месцамі відавочная некарэктнасць. Прыкладам, цытуючы маю ацэнку палітыкі кіраўніка Італіі Продзі, ён выкінуў з кантэксту самае галоўнае — у чым, на маю думку, крывадушнасць італьянскага прэм’ера... На жаль, у многіх беларусаў Беласточчыны па сённяшні дзень існуе трывалы комплекс атаясамляць славянства і хрысціянства выключна з праваслаўем (якое я асабіста глыбока паважаю і лічу каштоўнейшым здабыткам свету). Гэткі сіндром імперскага мыслення ў праваслаўнай абгортцы. Бо як яшчэ інакш зразумець гістарычную ацэнку Сакоўскім Югаславіі як „вялікай і прыгожай краіны”. Для нас, беларусаў метраполіі, думка не новая. Амаль штодзень чуюцца з Мінска і Масквы праз тэлевізар скавытанне і лямант пра распад „великого” Савецкага Саюза, трубяць рупары афіцыёза і пра развал „прекрасной” Югаславіі. Відаць, мы сапраўды наіўныя людзі, бо думаем, што ўсе, каго закрануў у ХХ стагоддзі сацыялістычны лагер, абсалютна перакананыя, што СССР быў буйнай, а Югаславія маленькай імперыяй. (...)

• Месца выхаду: Беласток
• Дата выхаду: 2007-04-29
• Рэдактар: Вапа Яўген
• Выдавец: Праграмная рада тыднёвіка Ніва
• Выдавецтва/ друкарня: Orthdruk, Białystok
• Copyright: © 2007 by Праграмная рада тыднёвіка Ніва
• Кнігазбор: Kamunikat.org
• Дадатковая даведка: Zrealizowano przy udziale wsparcia finansowego Ministra Spraw Wewnętrznych i Administracji; Tekstów nie zamówionych redakcja nie zwraca. Zastrzega sobie również prawo skracania i opracowania redakcyjnego tekstów nie zamówionych. Za treść ogłoszeń redakcja nie ponosi odpowiedzialności. http://niva.iig.pl Выданьне публікуецца тут за ласкавай згодай Рэдакцыі й Праграмнай рады тыднёвіка Ніва