Ніва 2008/09 (2703)

Пятнаццаты фестываль, трыццаць дзевяты ў чарзе цэнтральны агляд беларускай песні сарганізавала сёлета Таварыства беларускай культуры заадно з Беларускім грамадска-культурным таварыствам. Дзейнічаючых на Падляшшы 60 калектываў прыняло ўдзел спачатку ў раённых элімінацыях, пры падтрымцы самаўрадаў і дамоў культуры. На цэнтральным аглядзе і гала-канцэрце старшыня БГКТ і віцэ-старшыня ТБК Ян Сычэўскі падзякаваў за фінансавую падтрымку Гарадской радзе Беластока і ваяводскаму падляшскаму самаўраду ды за абяцанне падтрымкі Міністэрству ўнутраных спраў і адміністрацыі. Падтрымалі аматараў беларускай песні Прадпрыемства будаўнічых і электрычных работ „Міпа” з Беластока, кааператыў інвалідаў „Падляшша”, дэпутаты Яўген Чыквін і Яраслаў Матвяюк, Паслугова-гандлёвае прадпрыемства „Опаль” з Васількава, суполка „Рахбуд” з Беластока, рэктар Вышэйшай менеджэрскай школы Міхал Лісоўскі, Сяргей Якушэвіч з Беластока, фірма „Стольрам” з Беластока, Акруговы малачарскі кааператыў з Гайнаўкі, радныя Гарадской рады з Беластока з Форуму меншасцей Падляшша, гарнізонны клуб у Беластоку. Медыйны патранаж над фестывалем мелі Радыё Беласток і Польскае тэлебачанне АС Беласток. Як заўсёды, усе сустрэчы з роднай песняй карысталіся вялікім спрыяннем публікі, якой перш за ўсё багата прыбыло на цэнтральны агляд і гала-канцэрт 23 лютага ў спартзалу клуба „Влукняж” на Антонюку ў Беластоку. (М. Лукша, Нашы колеры беларускага свята, фрагмэнт)

• Месца выхаду: Беласток
• Дата выхаду: 2008-03-02
• Рэдактар: Вапа Яўген
• Выдавец: Праграмная рада тыднёвіка Ніва
• Выдавецтва/ друкарня: Orthdruk, Białystok
• Copyright: © 2008 by Праграмная рада тыднёвіка Ніва
• Кнігазбор: Kamunikat.org
• Дадатковая даведка: Zrealizowano przy udziale wsparcia finansowego Ministra Spraw Wewnętrznych i Administracji; Tekstów nie zamówionych redakcja nie zwraca. Zastrzega sobie również prawo skracania i opracowania redakcyjnego tekstów nie zamówionych. Za treść ogłoszeń redakcja nie ponosi odpowiedzialności. http://niva.iig.pl Выданьне публікуецца тут за ласкавай згодай Рэдакцыі й Праграмнай рады тыднёвіка Ніва