Ніва 2010/14 (2812)

тыднёвік беларусаў у Польшчы

92 раз Дзень Волі. Вечарына, прысвечаная 92-й гадавіне абвяшчэння ў 1918 годзе Беларускай Народнай Рэспублікі, сарганізаваная Беларускім саюзам у Польшчы разам з Радыё Рацыя і тэлеканалам БелСат, была наладжана ў Беластоку ў культурным цэнтры „Сподкі". Як штогод, старшыня Беларускага саюза ўручыў бел-чырвона-белыя букеты асобам, якімі адзначаны іхні вялікі асабісты ўклад у беларушчыну. Сёлета ўзнагароджаны букетамі пашаны і ўдзячнасці гайнаўскі мастак, аніматар культуры Віктар Кабац, стваральнік і адміністратар сайта kamnikat.org Яраслаў Іванюк і дырэктар Бельскага беларускага ліцэя Андрэй Сцепанюк. — Гэта вельмі радаснае вылучэнне. Думаю, што гэтыя кветкі ўказваюць маю дарогу ў будучыню. Каб і надалей рабіць тое, што я цяпер раблю для Беларусі і беларускае культуры і яшчэ больш старацца — каб мая актыўнасць дзесьці там у народзе засталася. Гэтак я разумею сваю ролю як мастака, — сказаў рупны захавальнік беларускай памяці Віктар Кабац. Мерапрыемства стала на Беласточчыне і сярод беларусаў у Полыпчы ўжо традыцыйным. Дзень Волі пачынаецца гімнам „Мы выйдзем шчыльнымі радамі" на словы Макара Краўцова, завяршаецца гімнам-малітвай „Магутны Божа" на словы Наталлі Арсенневай. Ад часу, калі студэнты-беларусы ў Польшчы аднавілі свята ў гонар стваральнікаў БНР, і праводзіцца яно адкрыта, мінае ўжо 25 гадоў.

Каталёг: Kamunikat.org

Пэрыёдыка: Ніва

Выдаўцы і выдавецтвы: Праграмная рада тыднёвіка Ніва

Месца выхаду: Беласток
Дата выхаду: 2010-04-04
Рэдактар: Вапа Яўген
Выдавец: Праграмная рада тыднёвіка Ніва
Кнігазбор: Kamunikat.org

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк