Ніва 35 (2468)

Не ведаю чаму ў беларускай палітычнай традыцыі ці гістарыяграфіі не заўважаецца дата 25 жніўня. У гэты дзень у 1991 г. Вярхоўны Савет БССР прыняў пастанову аб выступленні рэспублікі з Савецкага Саюза. Упершыню ад ранняга сярэднявечча ў Беларусі фактычная і фармальная ўлада была ў руках мясцовых элітаў ды ніхто ў свеце не аспрэчваў гэтага факта. 25 сакавіка 1918 г. беларускія эліты выявілі толькі сваю волю жыць у незалежнай краіне, але ніхто ў Еўропе, апрача ўкраінцаў, не быў зацікаўлены ў існаванні такой дзяржавы. Найбліжэйшыя суседзі — палякі і расіяне — пасля кароткай вайны разграбілі беларускія землі. З незалежнай Беларусі засталася толькі ідэя, у якую з часам верыла штораз менш беларусаў. Мінула пару дзесяткаў гадоў і ў Савецкай Беларусі пераважная большасць жыхароў нават нічога пра тую ідэю не ведала. Незалежнасць у 1918 г. была аб’яўлена пасля некалькіх спробаў паразумення з расіянамі. Спачатку з правымі дэмакратамі, пасля сацыял-дэмакратамі, а ў канцы — з бальшавікамі. Усе адмаўляліся прызнаць беларусаў як асобную нацыю і шанаваць іх культурную адметнасць. (Я. Мірановіч, Дзень фактычнай незалежнасці, фрагмэнт)

• Месца выхаду: Беласток
• Дата выхаду: 2003-08-31
• Рэдактар: Луба Віталь
• Выдавец: Праграмная рада тыднёвіка Ніва
• Copyright: © 1999-2009 by Праграмная рада тыднёвіка Ніва
• Кнігазбор: Kamunikat.org