Новы Час 21/2008

БАЖ упанаважаны зрабіць заўвагу У спешным парадку, знянацку для ўсяго журналісцкага корпусу і ўсёй беларускай грамадскасці Палата прадстаўнікоў Нацыянальнага сходу прыняла Закон «Аб сродках масавай інфармацыі». 17 чэрвеня — у першым чытанні, 24 — у другім. Разбежка ўсяго тыдзень. Абмеркаванне доўжылася не больш за паўгадзіны. У сувязі з прыняццем гэтага закона ГА «Беларуская асацыяцыя журналістаў» прыняла заяву, у якой ад імя больш як тысячы сваіх сябраў выказала рашучы пратэст. Свабодным словам супраць абмежавання свабоды слова. Выніку не будзе? На сёння, на жаль, — так. Але ён абавязкова будзе заўтра, бо палёт свабоднага слова, свабоднай думкі — не згасіць, не спыніць, не стрымаць. І таму нельга маўчаць, бо час несвабоды доўжыцца ў тым ліку цішынёй і пакорлівым маўчаннем. Вось тэкст заявы: «Свабода слова з’яўляецца не толькі найважнейшым грамадзянскім і палітычным правам, але і крытэрам выканання іншых правоў чалавека. Лічым недапушчальнымі такі паспешлівы разгляд і хуткае прыняцце прававога акту, які закранае гэтае базавае права, замацаванае ў двух артыкулах беларускай Канстытуцыі (артыкулы 33, 34).

• Месца выхаду: Менск
• Дата выхаду: 2008-06-27
• Рэдактар: Анісім Алена, Кароль Аляксей
• Выдавец: Прыватнае выдавецкае унітарнае прадпрыемства Час навінаў
• Выдавецтва/ друкарня: УП Плутос-Маркет, Мінск
• Copyright: © 2008 by Новы Час
• Кнігазбор: Kamunikat.org
• Дадатковая даведка: Выдаецца з сакавiка 2002 г.; Заснавальнік: Мінская гарадская арганізацыя ГА ТБМ імя Ф.Скарыны; Пасведчанне аб рэгістрацыі № 1798 ад 25 сакавіка 2002; Адрас: 220005, г. Мінск, вул. Румянцава, 13. Тэл.: 288–23–52; Рэдакцыя можа друкаваць артыкулы дзеля палемікі, не падзяляючы пазіцыі аўтараў; Пры выкарыстанні матэрыялаў газеты спасылка на „Новы Час” абавязковая; Рукапісы рэдакцыя не вяртае і не рэцэнзуе мастацкія творы; Чытацкая пошта публікуецца паводле рэдакцыйных меркаванняў. Выданьне публікуецца тут за ласкавай згодай Рэдакцыі