Новы Час 39/2007

З Новым Годам! Вось і 2007 год — ужо ўспамін. Мінулае і гісторыя. Што збылося, а што — не. І новы год. І новыя надзеі. Так хочацца верыць, спадзявацца на лепшае. І так — за годам год. Ведаем, жартуем, іранізуем над умоўнасцю даты на няўмольна незваротнай плыні часу. І тым не менш спыняем імгненне. Імгненне перадыху ў чарадзе спраў. Імгненне асаблівай блізкасці ў сямейным коле і ў коле сяброўскім, з роднымі, любымі, каханымі. Для кагосьці сапраўды шчаслівае імгненне, для кагосьці не вельмі, для кагосьці сумнае, а для кагосьці і горкае, цяжкае. Такі свет, такія мы. Недасканалыя. У кожнага — свой год. Сваё адчуванне яго зместу і месца ў чарадзе пражытых гадоў. І сваё прадчуванне году, што настае. Імклівы бег часу ў людзей сталага веку. Запаволіць бы. Марудны — у маладых. Прыспешыць бы. Бо там, за паваротам, на кончыку хвіліннай стрэлкі — галоўная справа, імгненні славы і гадзіны поспеху, чаканае каханне. Новае, новае, новае… У кожнага — свой год. Бо гэта праўда: кожны чалавек — сусвет. Але ёсць у пэўнай чарадзе гадоў, знітаваных між сабой тымі ці іншымі падзеямі, і нешта агульнае, што вылучае іх з іншай нізкі гадоў, папярэдніх і наплываючых. І тады мы кажам — час, перыяд, эпоха. І гэта агульнае, хочаш ці не хочаш, — прадвызначае, накладвае адбітак, акрэслівае рамкі асабістага лёсу, асабістага году кожнага. З

• Месца выхаду: Менск
• Дата выхаду: 2007-12-31
• Рэдактар: Анісім Алена, Кароль Аляксей
• Выдавец: Прыватнае выдавецкае унітарнае прадпрыемства Час навінаў
• Выдавецтва/ друкарня: УП Плутос-Маркет, Мінск
• Copyright: © 2007 by Новы Час
• Кнігазбор: Kamunikat.org
• Дадатковая даведка: Выдаецца з сакавiка 2002 г.; Заснавальнік: Мінская гарадская арганізацыя ГА ТБМ імя Ф.Скарыны; Пасведчанне аб рэгістрацыі № 1798 ад 25 сакавіка 2002; Адрас: 220005, г. Мінск, вул. Румянцава, 13. Тэл.: 288–23–52; Рэдакцыя можа друкаваць артыкулы дзеля палемікі, не падзяляючы пазіцыі аўтараў; Пры выкарыстанні матэрыялаў газеты спасылка на „Новы Час” абавязковая; Рукапісы рэдакцыя не вяртае і не рэцэнзуе мастацкія творы; Чытацкая пошта публікуецца паводле рэдакцыйных меркаванняў. Выданьне публікуецца тут за ласкавай згодай Рэдакцыі