Новыя аўдыякнігі — дзіцячая казка Маляваныча і паэма Дудара

2025-05-25 16:15

У сеціве з’явілася дзве новыя аўдыякнігі: «Кніжны Воз» прадставіў казку Аляксандра Ждановіча (Маляваныча) «Кропля ў космасе», а ініцыятыва «Непаслухмяныя Дзеці Кастырычніка» — паэмы «Экзотыка» Алеся Дудара.

«Кропля ў космасе» — гэта казка Аляксандра Ждановіча, вядомага як Маляваныч, што нядаўна пабачыла свет у выдавецтве Słowianka з ілюстрацыямі Эльгі Паповай. А цяпер, дзякуючы «Кніжнаму Возу», можна слухаць аўдыяверсію казкі ў выкананні самога аўтара.

Ініцыятыва «Непаслухмяныя Дзеці Кастрычніка» дзеляцца паэмай Алеся Дудара, які быў ці не самым зацятым змагаром супраць расейскага ўплыву. «Экзотыка» — не толькі і не столькі пра салідарнасць з тымі, каго прыгнятаюць па ўсім свеце. Аўтары ініцыятывы тлумачаць, што Дудар вярнуўся з высылкі ў Расею і напісаў паэму пра змаганне тых, каго прыгнятаюць іхныя ж імперыі. Вось так метафарычна, як той казаў, каб ніхто не здагадаўся. Падказка-ключ да разумення твору: год стварэння паэмы — 1932.

Загалоўная выява depositphotos.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк