Някляеў прэзентаваў у Варшаве новую кнігу

2024-10-28 19:37

:/:

Беларускі паэт і празаік Уладзімір Някляеў прэзентаваў у Варшаве сваю новую кнігу «Без Айчыны» і паэму «Каляды». Імрэза адбылася ў Музеі Вольнай Беларусі.

Пасля падзеі творца падзяліўся эмоцыямі:

– Людзі хоць і ў няпростых умовах жывуць, але не страцілі беларускасці. Па-першае ўвага да таго што адбываецца, зацікаўленасць тым, што адбываецца. Такі саўдзел у дзеі, такое не кожны раз бывае, бо іншым разам людзі трымаюцца асобна ад сцэны, ад таго хто на ёй нейкую дзею паказвае. Тут ўсе рэакцыі адпаведныя: там дзе страшна, там страшна, дзе весялей, там весялей.

Імпрэзу падтрымаў мультыінструменталіст Дзмітрый Дуганаў, а таксама мастачка па пяску Аляксандра Канафальская. Пасля мерапрыемства публіка магла набыць кнігу Уладзіміра Някляева «Без Айчыны» і падпісаць яе ў аўтара.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк