Па дударскіх слядах у Глыбоцкім краі

2020-08-23 22:36

:/:

Дуда стала сур’ёзным захапленнем беларускага літаратара Віталя Воранава. Ён не толькі сам грае на дудзе і ўдзельнічае ў шматлікіх дударскіх фестывалях па ўсім свеце, але ладзіць фестываль на Глыбоччыне – “Дударскі рэй”.

Сёлета напачатку жніўня Віталь Воранаў арганізаваў чарговую экспедыцыю па Глыбоччыне ў пошуках інфармацыі пра глыбоцкую дуду:

– Мы зрабілі такое разам з жонкай невялікае падарожжа па дударскіх слядах у Глыбоцкім краі. І адправіліся ў розныя бакі – на поўнач, поўдзень, усход. Глыбоцкі раён, дарэчы, даволі вялікі. І мы не абмяжоўваліся тэрыторыяй фармальна Глыбоцкага раёна, а больш бралі за аснову тое, што называецца Глыбоцкім краем.

Віталь Воранаў – аўтар некалькіх кніг пра беларускую, перадусім глыбоцкую, дуду. Новыя знаходкі і адкрыцці, якія былі зроблены падчас экспедыцыі па Глыбоччыне, стануць матэрыялам для новай кнігі.

Васіль Кроква, Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк