Пачаўся суд над філосафам Уладзімірам Мацкевічам

2022-06-09 14:35

У Мінскім абласным судзе пачалося закрытае судовае паседжанне па справе філосафа і метадолага, стваральніка «Лятучага ўніверсітэта» Уладзіміра Мацкевіча.

Сваякоў і сяброў Уладзіміра Мацкевіча, якія прыйшлі яго падтрымаць, не пусцілі да яго, паведамляецца ў сацсетках філосафа.

Суд вядзе суддзя Сяргей Епіхаў. Раней той жа суддзя разглядаў справу Марыі Калеснікавай і Максіма Знака.

Нагадаем, што філосаф Уладзімір Мацкевіч быў арыштаваны 4 жніўня 2021 года і знаходзіцца ў СІЗА ўжо 10 месяцаў.

Лістуйце філосафу на адрас: СІЗА-1, 220030, г. Мінск, вул. Валадарскага, 2 Мацкевічу Уладзіміру Уладзіміравічу.

Крыніца: Будзьма беларусамі!

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк