Паэт Павел Капанскі выдаў кнігу вершаў

2024-12-21 15:52

Літаратар Павел Капанскі выдаў кнігу вершаў з назвай “Акрамя”. У кнігу ўвайшлі выбраныя тэксты 2010—2024 гадоў напісання.

У кнізе чытачы сустрэнуць вершы не толькі на беларускай, але і на ўкраінскай ды польскай мовах. Зборнік аформіла мастачка Лізавета Лянкевіч.

ці не твае рукі

габлююць з майго

драўлянага сэрца

бяскрылых галубоў?

настаўнік

навучы дрэва гарэць

кветку не вянуць

рэчку не выходзіць

з берагоў

навучы дождж маўчаць

час не рухацца

жывёлу не бегчы

ад смерці

што ж ты за настаўнік

не можаш выканаць

самых звычайных

патрабаванняў

Рэдактарам кнігі “Акрамя”, якая выйшла ў Варшаве, выступіў Уладзь Лянкевіч. Набыць зборнік можна непасрэдна звязаўшыся з аўтарам праз інстаграм.

Павел Капанскі — паэт. Hарадзіўся ў 1986 годзе ў Берасці, скончыў магістратуру філалагічнага факультэта БДУ. Фіналіст конкурсаў маладых літаратараў імя Ларысы Геніюш, Чэслава Мілаша, Максіма Танка, “Экслібрыс”. Удзельнік міжнародных паэтычных фестываляў. Друкаваўся ў зборніках, часопісах, газетах. Жыве ў Варшаве.

Публікацыя на “Літрадыё”.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк