Паэзія Вальжыны Морт выйшла па-славенску

2024-08-23 12:20

Да адкрыцця славенскага міжнароднага фестывалю “Дні паэзіі і віна”, які праходзіць у некалькіх гарадах краіны, пабачыла свет кніга выбраных вершаў Вальжыны Морт.

Пераклад з беларускай мовы здзейсніла паэтка і перакладчыца, дырэктарка фестывалю Крысціна Кочан. Кніга вершаў “Pesem o belih jabolkih” выдадзеная ў цвёрдай вокладцы ў фармаце білінгвы — на славенскай і беларускай мовах.

Як паведамляе праграма, Вальжына Морт як ганаровая госця жівеньскага фэсту ўдзельнічае ў чатырох імпрэзах: Days of Poetry and Wine in LJUBLJANA: Body in Poetry, Poetry as Body, Grand Poetry Reading, Days of Poetry and Wine in MARIBOR, Conversation with the guests of honour: From rootedness to estrangement.

Фота: інстаграм Вальжыны Морт

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк