Паходня 15/2008

Зарэгістравана ініцыятыўная група па вылучэнню кандыдатам у дэпутаты Рыгора Кастусёва У панядзелак, 21 ліпеня, на паседжанні акруговай камісіі па выбарах дэпутатаў ў Палату Прадстаўнікоў Нацыянальнага Схода па Шклоўскай выбарчай акрузе № 90 зарэгістравана ініцыятыўная група па вылучэнню кандыдатам ў дэпутаты Палаты Прадстаўнікоў Рыгора Кастусёва. Рыгор Кастусёў з’яўляецца кіраўніком Магілёўскай абласной арганізацыі Партыі БНФ і Руху БНФ “Адраджэнне”, ён нарадзіўся ў вёсцы Цяхцін і доўгі час працаваў у сваім родным Бялыніцкім раёне, зараз пражывае ў Шклове. У склад ініцыятыўнай групы, якая зарэгістравана пад № 1, увайшлі 32 дэмакратычныя актывісты з Шклоўскага, Бялыніцкага, Круглянскага, Магілёўскага раёнаў вобласці і горада Магілёва. Паўдзельнічаць у зборы подпісаў у падтрымку вылучэння Рыгора Кастусёва збіраецца нават былы кандыдат на пасаду Прэзідэнта Рэспублікі Беларусь і лідэр ствараемага Руху "За свабоду” Аляксандр Мілінкевіч, які таксама знаходзіцца ў складзе ініцыятыўнай групы. Спадар Мілінкевіч плануе наведаць нашу выбарчую акругу ў жніўні.

• Месца выхаду: Бялыніцкі раён, вёска Машчаніца
• Дата выхаду: 2008-08
• Рэдактар: Вырвіч Барыс
• Кнігазбор: Kamunikat.org
• Дадатковая даведка: Выданьне публікуецца тут за ласкавай згодай Рэдакцыі