Паходня 2007

З’езд партыі БНФ 8-9 снежня 2007 года ў доме культуры МАЗа адбыўся 10 з’езд партыі БНФ і 11 з’езд грамадскага аб’яднання БНФ “Адраджэнне”. На з’езд былі абраны 264 дэлегаты са ўсіх куткоў нашай роднай Беларусі, прысутнічалі на з'ездзе 244 дэлегаты і шмат гасцей: прадстаўнікоў іншых палітычных партый, журналістаў, навукоўцаў, пісьменнікаў. I гэта не дзіўна, бо з’езд разглядаў вельмі важнае пытанне - выбары новага кіраўніка партыі і яго намеснікаў. У самай “старой” дэмакратычнай партыі Беларусі яны заўсёды праводзяцца на альтэрнатыўнай аснове шляхам таемнага галасавання. На пасаду старшыні партыі прэтэндавалі тры чалавекі: дзейны кіраўнік партыі Вінцук Вячорка, які займаў гэту пасаду ўжо восем год, а таксама яго намеснікі Віктар Івашкевіч і Алесь Міхалевіч. У першым туры галасавання ніхто з прэтэндэнтаў не набраў абсалютнай большасці галасоў: за Вячорку прагаласавалі 107 дэлегатаў, за Алеся Міхалевіча - 104, за Віктара Івашкевіча - 26. Спатрэбіўся другі тур галасавання, удзел у якім прынялі кандыдаты, набраўшыя большасць галасоў - Вінцук Вячорка і Алесь Міхалевіч (трэба адзначыць, што Вячорку ў асноўным падтрымлівалі менчукі, а маладога Алеся Міхалевіча дэлегаты ад рэгіёнаў). Па выніках другога тура Вячорка набраў 118 галасоў, Міхалевіч - 110, 10 бюлютэняў былі прызнаны несапраўднымі. Склалася патавая сітуацыя, бо не адзін з кандыдатаў не набраў неабходнай большасці (50% + 1 голас).

• Месца выхаду: Бялыніцкі раён, вёска Машчаніца
• Дата выхаду: 2007
• Рэдактар: Вырвіч Барыс
• Кнігазбор: Kamunikat.org
• Дадатковая даведка: Выданьне публікуецца тут за ласкавай згодай Рэдакцыі