«Пакуль яна ў турме, памерлі яе бабуля і бацька». Муж валянтэркі «Вясны» пра сустрэчу ў турме

2021-10-20 11:20

Упершыню за год палітзьняволеная валянтэрка «Вясны» Марфа Рабкова сустрэлася з мужам у СІЗА-1.

Дзяўчыне пагражае да 12 год турмы. У інтэрвію Свабодзе Вадзім Жаромскі расказаў, чаму ягоная жонка не падпісала прашэньне аб памілаваньні, пра што нельга гаварыць на спатканьнях у турме, як Марфа перажывае сьмерць бацькі і калі чакаецца суд.

«Пакуль яна ў турме, памерла яе бабуля ад каранавірусу... А бацька хварэў на анкалёгію апошняй стадыі». На пахаваньне бабулі і бацькі Марфу не адпускалі.

«У хуткім часе можа пачацца суд. Напрыканцы месяца павінны быць прад'яўленыя канчатковыя абвінавачаньні. І недзе ў сьнежні павінен быць суд. Летам прыяжджалі дадому супрацоўнікі міліцыі і апісвалі маёмасьць, таму што плянуецца пазоў па крымінальнай справе. Па гэтым пазове, хутчэй за ўсё, будзе вялікі штраф ці канфіскацыя маёмасьці».

«Марфа разумее, што тэрмін можа быць вялікі, да 12 гадоў, але ўсё ж яшчэ спадзяецца, што нешта зьменіцца. Без надзеі цяжка».

Крыніца: Радыё Свабода

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк