Пірацкая анлайн-бібліятэка «Флібуста» паведаміла, што працягне сваю працу

2024-10-19 18:07

Заснавальнік анлайн-бібліятэкі "Флібуста" Stiver абвясціў аб працягу працы платформы.

"Апдэйт. Сервера аплачаны, сайт падтрымліваецца, працуем у стабільным рэжыме", — гаворыцца ў паведамленні на сайце.

У канцы верасня заснавальнік напісаў каментар пра тое, што ляжыць у бальніцы з дыягназам гліобластома, і што з-за гэтага сэрвіс, верагодна, спыніць сваю працу праз некалькі тыдняў.

Пірацкая анлайн-бібліятэка Flibusta працуе з 2009 года — там можна бясплатна чытаць, спампоўваць і атрымліваць кнігі на электронную пошту. Усяго ў бібліятэцы 318 939 тамоў, 502 гігабайты, прадстаўлена 116 460 аўтараў.

Сайт навечна заблакаваны на тэрыторыі Расіі.

Крыніца: Еўрарадыё

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк