Полацкія рэканструктары хочуць зрабіць дакладную копію мяча вікінгаў

2020-07-30 22:32

:/:

Полацкія рэканструктары пачынаюць новы праект – цяпер яны хочуць зрабіць дакладную копію мяча вікінгаў, які захоўваецца ў Полацкім краязнаўчым музеі.

Да гэтага праекту далучыўся перакладчык са шведскай мовы, даследчык эпохі вікінгаў Арцём Максуль:

– Гэты меч – ён з дзясятага стагоддзя, – Ульфберт. Ульфберт – гэта сведчыць пра якасць, калі гэта не падробка. І мы паспрабуем яго рэканструяваць з адным майстрам, вельмі вядомым. І паглядзім, якім ён мог быць тысячу год таму.

Полацкія рэканструктары ўжо знайшлі славутага каваля, які возьмецца за гэты праект. Неўзабаве яны абвесцяць збор сродкаў на стварэнне копіі мяча вікінгаў.

Васіль Кроква, Беларускае Радыё Рацыя
Фота gorod214.by

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк