Полымя 6 (1028) 2015

Якава Арыстархавіча арыштавалі ў 1948 годзе. Не адразу пасля выгнання немцаў і аднаўлення савецкай улады ў 1944-м, крыху счакалі, далі магчымасць пажыць, пацешыцца воляй. Сядзеў Якаў Арыстархавіч яшчэ да вайны, «пры тых Саветах», як называлі той час, «за эксплуатацию чужого труда». Асуджаны быў 23 красавіка 1941 года на пяць гадоў турэмнага зняволення і вызвалены з пачаткам вайны. Сталася так, што не адбыў і года, вызваленне прыйшло само сабой, і ў турэмнай робе пяшком прыдыбаў дахаты. Цяпер улады зноў вярнуліся да гэтага пытання і хаця нічога заганнага ў яго паводзінах за час акупацыі не знайшлі, пастанавілі, каб даседзеў недаседжанае. Рабілі зачыстку перад калектывізацыяй. Амброжыя пакуль што не чапалі, трымалі ў спакоі.

• Месца выхаду: Мінск
• Дата выхаду: 2015-06
• Рэдактар: Мальчэўская Алена
• Выдавец: Літаратура і Мастацтва
• Copyright: © 2015 by Полымя
• Кнігазбор: Kamunikat.org