Поўная версія абраных эсэ Уладзіміра Арлова «Незалежнасьць — гэта...» агучана камандай Kamunikat.org

2024-11-10 19:56

Выйшла другая частка аўдыёкнігі Уладзіміра Арлова «Незалежнасьць — гэта...» Твор можна паслухаць і спампаваць на нашым сайце, таксама ён дасяжны бясплатна на ўсіх буйных онлайн-пляцоўках. Чытае аўтар.

Гэта своеасаблівая машына часу, якая дапаможа чытачу зьдзейсьніць дзясяткі падарожжаў, нязьменна аб’яднаных пошукамі Беларусі і — непаўторным гумарам аўтара. Пунктамі прызначэньня будуць Менск пачатку 1990-х і Бэрлін з абрынутай толькі ўчора сьцяной паміж двума сьветамі, Грузія часоў Зьвіяда Гамсахурдзія і Сахара дарэвалюцыйнага Тунісу, дах яшчэ цалюткага Сусьветнага гандлёвага цэнтру ў Нью-Ёрку і стакгольмская кватэра нобэлеўскага ляўрэата 2011 году паэта Тумаса Транстрэмэра.

Разам зь пісьменьнікам чытач зможа адчуць зьмены, што адбыліся ў нашай краіне і сьвеце за цэлую чвэрць стагодзьдзя.

Эсэ, што ўвайшлі ў кнігу, перакладаліся болей, чым на дваццаць моваў.

Слухаць можна на Spotify YouTube Soundcloud

Першую частку можна спампаваць і паслухаць ТУТ або ТУТ.

Крыніца: Kamunikat

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк