Поўны келіх

Багацце ўнутранага жыцця, тонкая духоўная арганізацыя, жаданне рабіць дабро, актыўнае стаўленне да жыцця вызначаюць паэтычны свет кнігі, зборніка вершаў знакамітай паэткі Берасцейшчыны Ніны Мацяш. Кожны верш, які ўвайшоў у зборнік – гэта глыбокі роздум над жыццём, над месцам чалавека ў свеце. Назіранні за прыродай, зменамі пораў года, адметнасцямі кожнага этапу развіцця жывых істотаў – ад раслін па вышэйшае стварэнне – чалавека. Філасофскі падыход да ўсяго, што адбываецца навокал. Роздум і шацунак да ўсяго жывога дадаюць адметнасць паэзіі Ніны Мацяш. Кожны верш – карціна, напісаная словамі, пачуццямі, перажываннямі. Як найлепшы мастак вядзе яна чытача па бяскрайніх прасторах жыцця, адсланяючы таямніцы самага асабістага, самага глыбокага, самага шчырага ўспрымання свету. (Н.Г.)

• Месца выхаду: Мінск
• Дата выхаду: 1982
• Рэдактар: Яўсееў Р. М.
• Выдавец: «Мастацкая літаратура»
• Выдавецтва/ друкарня: «Мастацкая літаратура»
• Памеры: 63 с.; 14 cm
• Катэгорыя: Мастацкая літаратура
• Copyright: © 1982 by Мацяш Ніна
• Кнігазбор: Kamunikat.org