Прэс-сакратарка мінадукацыі пра «зачыстку» школьных бібліятэк: «Не пацвярджаю гэтыя чуткі»

2022-06-15 14:18

У школьныя бібліятэкі даслалі спіс «забароненых» аўтараў, чые кнігі трэба прыбраць з карыстання. Інфармацыю пра гэта і спіс кніг 33 аўтараў апублікавалі тэлеграм-каналы.

«Медыязона» патэлефанавала прэс-сакратарцы міністэрства адукацыі Людміле Высоцкай. Тая паведаміла, што не можа пацвердзіць ці абвергнуць такую інфармацыю.

«Таму што вы ж самі сказалі — гэта чуткі. Гэтай інфармацыяй мы не валодаем. Дакладна», — сказала яна.

На пытанне аб тым, ці было такое распараджэнне з боку міністэрства адукацыі, Высоцкая адказала адмоўна: «Не. Вы спыталі, ці не пацвердзім чуткі — не пацвярджаю гэтыя чуткі».

Крыніца: Будзьма беларусамі!

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк