Прыём заявак на прэмію імя Міхала Анемпадыстава

Адкрыты прыём заявак на прэмію імя Міхала Анемпадыстава за найлепшы дызайн кніжнай вокладкі!

Што важна?

Хто можа ўдзельнічаць?

Дызайнеры, якія аформілі вокладкі да беларускіх папяровых кніг, што выйшлі ў 2025 годзе. Беларускай кнігай лічыцца кніга, якая адпавядае як мінімум двум з пералічаных ніжэй крытэрыяў:

•     выдадзена ў беларускім выдавецтве;
•     напісана беларускім аўтарам;
•     напісана па-беларуску;
•     змест звязаны з Беларуссю або яе культурай.

Як падаць заяўку?

Проста запоўніце гугл-форму да 29 сакавіка 2026 года (да 23:59 беларускага часу). Заявіць кнігу на прэмію могуць дызайнеры, пісьменнікі, сябры журы, арганізатары прэміі, выдавецтвы!

Калі вы знаходзіцеся ў Беларусі, калі ласка, выкарыстайце опцыю зашыфраванага ўдзелу (ні вашае імя, ні твор не будуць згадвацца публічна).

Аўтары найлепшай вокладкі будуць уганараваныя ўзнагародай прэміі Анемпадыстава – статуэткай анёла.

Прэмію ладзяць Беларускі ПЭН і фонд Open Culture.

Прэмія названа ў гонар Міхала Анемпадыстава – мастака, дызайнера, паэта і культурнага дзеяча, чые працы значна паўплывалі на развіццё сучаснай беларускай візуальнай культуры. Заснаваная ў 2019 годзе, яна адзначае найлепшыя прыклады кніжнага дызайну і падтрымлівае традыцыю ўганаравання і прасоўвання беларускіх выданняў. Лаўрэатамі папярэдняга сезона сталі Ігар Юхневіч і Маша Мароз за вокладку кнігі «Мое баба – діректор морга».

Калі вы ведаеце кнігу з вокладкай, якая сапраўды запамінаецца, прапануйце яе на прэмію – магчыма, менавіта яна стане наступным пераможцам.

З пытаннямі звяртайцеся, калі ласка, на vokladka@penbelarus.org.