Пяшчота ліўня

“Пяшчота ліўня” – першы зборнік Эдуарда Акуліна. Раней ягоныя вершы друкаваліся ў рэспубліканскім друку (між іншым, у часопісе “Маладосць”). У зборнік, які выйшаў у серыі “Бібліятэка часопіса “Маладосць”, трапілі дэбютантскія вершы і паэма «Шлях да радзімы», прысвечаная памяці Максіма Багдановіча. Раннія творы Эдуарда Акуліна характарызуюцца свежым пошукам формы, нечаканасцю думкі, добраю навізной. Востра адчувае Эдуард Акулін усе зрухі жыцця, з трывогаю піша пра чарнобыльскую бяду, пра дабрыню чалавека і яго жорсткасць. У вершах шмат лірызму, роздумаў, назіранняў. Адчуваецца філасофскі падыход да жыцця і адвечны пошук сэнсу існавання. З часам творчасць Эдуарда Акуліна робіцца што раз больш зрэлай, што можна прасачыць у пазнейшых зборніках, замешчаных на старонках Інтэрнэт бібліятэкі www.kamunikat.org (Н.Г.)

• Месца выхаду: Мінск
• Дата выхаду: 1990
• Рэдактар: Грачанікаў А., Камейша К.
• Выдавец: Маладосць
• Выдавецтва/ друкарня: Выдавецтва ЦК КП Беларусі
• Памеры: 448 с., 16 см
• Катэгорыя: Мастацкая літаратура
• Copyright: © 1990 by Эдуард Акулін, Маладосць
• Кнігазбор: Kamunikat.org, Каталёг MiOKB, Прыватны каталёг
• Інвэнтарныя нумары: MiOKB — 1196, 1197