Рапарт з гораду ў аблозе

Паэзія Зьбігнева Гэрбэрта - паэзія памяці, Відаць, адзінае, што застаецца чалавеку ў эпоху адабранага мінулага і спляжанай сучаснасьці, - гэта памяць. А яшчэ - уяўленьне. Прастора ўнутранай свабоды, якую нельга адабраць. Прастора мітатворчасьці, хворая на страту пачуцьця часу, бо тут працягваюць жыць памерлыя. Памяць, якая вяртае выгнаньніка-барбара ў сад эўрапейскай культуры, адкрываючы яму лябірынт над морам. Пісаў справаздачы з раю і апісваў колы пекла і занядбаны сьметнік бацькаўшчыны, разважаў пра выкупленьне, дадумваў лёс Варавы, Прамэтэя, Марка Аўрэлія, Сьпінозы і Фартынбраса. За папялішчамі Троі бачыў родныя руіны, у лёсе Гамлета - лёс апошняга абаронцы Гораду ў аблозе. Іранічна пераасэнсоўваў міт, ведаючы ўсё наперад. Гэтак апавядаў пра сучаснасьць. Вачыма дзіўнаватага, часам наіўнага, часам іранічна-скептычнага пана Когіта паказваў абсурд сёньняшняга дня, адначасна разважаючы пра Вечнасьць, пра бездань, што ляжыць паміж чалавекам і сьветам. Бачыў недасканаласьць і сьмяротнасьць чалавека, бачыў ладступства і здраду, але не пагаджаўся мяняць іх на жахліва празрыстую дасканаласьць Анёла. Ведаў, што слова занадта слабое, каб нешта зьмяніць. I зьмяняў сьвет Словам.

• Месца выхаду: Wrocław
• Дата выхаду: 2006
• Рэдактар: Хадановіч Андрэй, уклад. і ред.
• Перакладчык: Бушлякоў Ю., Казлоўская М., Кур\'ян І., Мартысевіч М., Мінскевіч С., Сьлінка Т., Урбановіч-Саўка І., Хадановіч А.
• Выдавец: Kolegium Europy Wschodniej im. Jana Nowaka-Jeziorańskiego
• Выдавецтва/ друкарня: Wrocławska Drukarnia Naukowa PAN im. S. Kulczyńskiego Sp. z o.o.
• ISBN: 978-83-89185-81-5
• Катэгорыя: Мастацкая літаратура, Пераклады
• Copyright: © 2006 by Katarzyna Herbertowa, Halina Herbert-Żebrowska; for the Belarusian translation by KEW
• Кнігазбор:
  • EEDC — бібліятэка Усходнеэўрапейскага дэмакратычнага цэнтру, ul. Proletariacka 11, Białystok (папяровы асобнік)
  • прыватны кнігазбор у Беластоку (папяровы асобнік)
• Інвэнтарныя нумары: EEDC — 1176